На патниците на „Боинг 777“, што се урна во Сан Франциско, најпрвин им било кажано да не се евакуираат од леталото во пламен, изјави федерален претставник од САД.
Дури кога стјуардесата го забележала пожарот надвор од авионот почнала евакуација, 90 секунди по падот, изјави претседателот на Националниот одбор за сообраќајна безбедност Дебра Херсман.
Првото спасувачко возило дошло 30 секунди по почетокот на евакуацијата. Во падот на авионот „Боинг 777“ загинаа две лица, а над 180 се повредени.
Херсман додаде дека итната евакуација по падот не е секогаш стандардна процедура. Сепак, според правилото, сите патници би требало да бидат евакуирани од авионот во рок од 90 секунди од несреќата.