Федералните министерства и институции на САД ќе ги намалат емисиите на штетни гасови за 41,8 проценти под нивоата од 2008 година во наредните десет години, соопшти Белата куќа, една седмица пред конференцијата на ОН за климата во Париз.
Целта ќе биде постигната преку намалување на емисиите на околу 360.000 владини згради, 650.000 автомобили и на широката мрежа за испораки.
Меѓу планираните мерки се намалување за 17 проценти на потрошувачката на енергија во вселенскиот центар „Џонсон“ на НАСА во Хјустон и почнување на изградба на сончева електроцентрала со моќност од 1,6 мегавати.