САД испитуваат варијантите за елиминација на севернокорејската нуклеарна закана. Ова го изјави советникот на американскиот претседател Доналд Трамп за прашањата на националната безбедност, генерал-полковник Херберт Макмастер.
Во изјава за телевизија Фокс, прашан за мотивите за испраќање на носач на авиони во близина на Корејскиот полуостров, Макмастер изјави дека тоа е „манифестација на претпазливост“ против еден режим, за кој тој вели дека веќе има нуклеарни способности.
Советникот на Трамп изјави дека претседателот им порачал на воените советници да бидат подготвени и да му обезбедат целосна палета на опции против „оваа закана против американскиот народ и против нашите сојузници и партнери во регионот“.