Властите во Вашингтон, по скандалот со војникот Менинген го ограничија пристапот во системот за размена на доверливи податоци.
Поранешната службеничка на Стејт департментот, Сузан Сварт, во текот на судската постапка рече дека на тој начин е блокиран и самиот систем, со кој важни податоци би биле достапни на повеќе владини агенции и служби.
Системот за размена на податоци, фукционира од 2006 година со цел да одговори на недостатоците во соработка со агенциите, кои се воочени по терористичките напади од 2001 година.
Воениот суд оваа недела го ослободи Менинген од обвинението за помагање на непријател, но го осуди за останатите кривични дела меѓу кои шпиунажа и кражба на доверливи податоци.
Елена Георгиевска