Руските вооружени сили со напаѓачки беспилотни летала го погодија транспортно-логистичкиот комплекс во Бровари, во регионот на Киев, кој се користеше за складирање компоненти за беспилотни летала, соопшти Министерството за одбрана на Русија.
Според извештаите, станува збор за транспортно-логистичкиот комплекс „Raven Ukraine“, кој се користел за складирање и дистрибуција на компоненти за беспилотни летала со различна намена, вклучително и оние од типот на авиони, пренесе „РИА Новости“.
Министерството соопшти дека во текот на денот руските сили продолжиле со групни напади врз претпријатија од воено-индустрискиот комплекс на Украина, логистички центри, како и врз морски пристаништа и пловни објекти што се користат за потребите на украинските вооружени сили.
Руските сили, исто така, со напаѓачки беспилотни летала погодија индустриско претпријатие во Велика Александровка, во регионот на Киев, кое произведува копнени роботски комплекси за извидување и напад „Љут“ (Lyut) и копнени модули со далечинско управување „Хижак“ (Hizhak), соопшти Министерството за одбрана на Русија.
Во пристаништето во Одеса е погодена работилница за склопување беспилотни летала, се наведува во соопштението на Министерството за одбрана на Русија.
Во пристаништето во Измаил, во регионот на Одеса, руските сили погодија танкер што превезувал гориво и мазива за Украина, соопшти Министерството за одбрана на Русија.
Според Министерството, танкерот бил погоден за време на истоварот, а погодени биле и два резервоара со гориво наменети за украинските вооружени сили.