Руските компании почнаа да користат биткоин и други дигитални валути во меѓународните плаќања по промените во законските регулативи, се со цел да се спротивстават на западните санкции, изјави рускиот министер за финансии Антон Силуанов, пренесе „Ројтерс“.
„Во рамките на експерименталниот модел, можно е да се користат биткоини во надворешно-трговските трансакции што ги „миниравме“ овде во Русија. Такви трансакции веќе се случуваат. Сметаме дека тие треба да се прошират и дополнително да се развијат. Уверен сум дека ова ќе се случи следната година“, рече Силуанов, додавајќи дека „меѓународните плаќања во дигитални валути се иднината“.
Како што пренесува Ројтерс, санкциите ја искомплицираа трговијата на Русија со нејзините главни партнери, Кина и Турција, бидејќи локалните банки станаа претпазливи за трансакциите поврзани со Русија за да избегнат контрола од западните регулатори.