Руски ракети погодија земјоделска фабрика во Одеса

Од:

Русија изврши комбиниран напад со беспилотни летала и ракети врз Украина, таргетирајќи ги претежно јужните делови на регионот Одеса и погоди земјоделски објект таму, соопшти украинското воздухопловство во порака на апликацијата Телеграм.

– Русија лансираше шест беспилотни летала Шахед од иранско производство и 10 крстосувачки ракети, а украинските сили уништија шест беспилотни летала и шест проектили пред да ја погодат целта – соопшти воздухопловството.

Ситуацијата во Одеса и нејзините пристаништа беше внимателно следена на пазарите за жито, бидејќи Киев во саботата објави дека два товарни брода пристигнале таму за да користат привремен коридор за да пловат до пристаништата на Црното Море и да товарат жито за африканските и азиските пазари.

Во одбивањето на воздушниот напад учествуваа борбени авиони, противвоздушни ракетни единици, мобилни вооружени групи и други средства, соопштија од воздухопловните сили.

Гувернерот на Одеса, Олех Кипер, на Телеграм изјави дека силос за жито и земјоделски полиња се оштетени во областа Березивски во источниот дел на регионот.

– За среќа, нема жртви, рече Кипер.

Целата територија на Украина неколку часа беше во тревога за воздушен напад.

Украина минатиот месец објави „хуманитарен коридор“ во Црното Море за да ги ослободи бродовите заробени во нејзините пристаништа од почетокот на војната во февруари 2022 година и да ја заобиколи де факто блокадата откако Русија го отфрли договорот да му дозволи на Киев да извезува жито.

Би можело да ве интересира

Украина: Русите вчера загубија стотици војници

Украина: Досега уништивме 5.000 руски беспилотни летала

Пукна нафтовод во западна Украина, избувна голем пожар

Горан Наумовски

Медведев: Нема да застанеме додека не ги ослободиме старите руски земји

Русија регрутира сиромашни Кубанци да се борат во Украина

Горан Наумовски

Киев: Западот мора да ни каже колку долго ќе трае поддршката