Министерството за одбрана на Руската Федерација соопшти дека во изминатите 24 часа рускиот систем за противвоздушна одбрана соборил украински МиГ-29.
Соборени се уште 20 украински беспилотни летала, но не беше споменато со каков тип на оружје се елиминирани.
Рускиот медиум Взглад подоцна објави, повикувајќи се на неименуван извор, дека рускиот систем за противвоздушна одбрана го соборил украинскиот МиГ-29 во целосно автоматски режим, без учество на операторот. Како што е соопштено, употребата на автоматскиот режим на системот беше користена за прв пат во реални борбени услови.
Извор за руските медиуми вели дека „борбениот екипаж ги контролира само одлуките донесени од вештачката интелигенција вградена во комплексот во рамките на настанатата воздушна борбена ситуација, додека операторот не се меша во работата на системот за противвоздушна одбрана“.