Претседателот на Украина Петро Порошенко потпиша указ со кои им се доделува украински пасош на руската опозиционерка Марија Гајдар, заменик-губернатор на Одеската област и на рускиот новинар Владимир Федорин поранешен главен уредник на украинското издание на списанието „Форбс“.
Минатиот месец поранешниот претседател на Грузија, Михаил Сакашвили и актуелен губернатор на Одеска Област ја именува Гајдар за своја заменичка. Таа ќе биде задолжена за социјалната сфера.
Гајдар истакна дека не сака да се откаже од рускиот пасош, но оти ќе дејствува „во согласност со украинските закони“.
Уставот на Украина не дозволува двојно државјанство. Украинското законодавство предвидува можност лица заслужни за Украина или лица кои од „државен интерес“ да добијат украинско државјанство. Но, за да добијат државјанство потребно е пет години да живееле во Украина.
Сакашвили беше именуван за губернатор на Одеска Област на 30 мај и доби украинско државјанство.