Во руски напад врз мост над реката Днепар во Запорожје повредени се пет лица, а сообраќајот на мостот привремено е ограничен.
Информацијата на „Телеграм“ ја објави Михајло Семикин, вршител на должноста началник на Воената управа на Запорошката област.
Повредени се две жени на возраст од 24 и 59 години и тројца мажи на 36, 43 и 54 години. Двајца од повредените мажи, на возраст од 43 и 54 години, се вработени во Црвениот крст, а биле нападнати додека патувале на работа.
Според првичните информации, тие се здобиле со полесни повреди и биле хоспитализирани. На сите повредени им се укажува медицинска помош.
Семикин потврди дека сообраќајот на мостот е ограничен.
„Непријателот нападна еден од мостовите над реката Днепар во Запорожје. Поради нападот, сообраќајот на мостот е привремено ограничен“, објави тој.
Жителите на Запорожје се повикани да го приспособат движењето на сообраќајните ограничувања и да ги следат официјалните известувања.