„Во градот Соледар се уште останаа украински војници“, соопштија руските власти во регионот на Доњецк, а пренесува „Скај њуз“. Шефот на платеничката група Вагнер Евгениј Пригожин вчера изјави дека Соледар е целосно ослободен и дека се убиени 500 украински војници.
Руските власти додаваат дека западниот дел на градот е под нивна контрола. Украина негираше дека Русите го зазеле Соледар и рече дека се уште се водат жестоки борби за тој град. Киев денеска објави дека Русија ги собира силите во близина на Соледар, но дека украинската армија дава отпор и ги задржува своите позиции.
Заменик-министерката за одбрана Хана Маљар рече дека бројот на руски единици е зголемен од 250 на 280 додека Москва се обидува да преземе „стратешка иницијатива“. „Во правец на Соледар се водат жестоки борби. Русите газат по сопствените мртви.“, рече Маљар.