„Русија води војна против Германија“ – Мерц ѝ порача на нацијата дека мора да се одбрани од агресијата на Москва

Од:

Германскиот канцелар, Фридрих Мерц, синоќа изјави дека Русија не води војна само против Украина, туку и против Германија.

Во интервју за германска телевизиска станица, Мерц предупреди на саботажа, ширење дезинформации и хибридна војна, за која рече дека веќе влијае на германското општество.

– Ова не е само војна против Украина. Тоа е и војна против нас. Нè следат, се случува саботажа, се справуваме со лажни информации во голем обем – рече Мерц.

Германскиот канцелар ги издвои руските пропагандни ТВ канали, како што е „Раша тудеј“, и употребата на вештачка интелигенција во ширењето лажни вести.

– Населението е систематски дезинформирано преку „Раша тудеј“ и други канали. Имаме лажни вести комбинирани со вештачка интелигенција. Сите овие се елементи на она што го нарекуваме хибридна војна – рече германскиот канцелар.

Според него, нападите врз инфраструктурата веќе се случуваат, вклучувајќи палење и напади врз воени објекти.

– Неодамна имавме инциденти во касарната. Речиси сите индиции укажуваат на Русија. Затоа мора да се браниме – рече Мерц.

За потсетување, германските функционери и експерти велат дека социјалните мрежи се преплавени со намерни лаги за Фридрих Мерц, кои значително се зголемија откако тој ја презеде функцијата, пренесува ДПА.

Би можело да ве интересира

Мерц му порача на Израел: Дозволете хуманитарната помош да стигне до луѓето

За украдено плишано мече сопственикот нуди награда од 5.000 евра

А1он

Бербок потрошила 20.849 евра за шминка за три месеци, а Шолц 13.015 евра за четки за пудра

(ВИДЕО) Хорор на фестивалот: Огномет експлодираше во публиката, голем број повредени

Германската влада не го поддржува нацрт-буџетот на ЕУ

Тревога во Берлин: Губиме на сите фронтови