Русија веќе „нема во видик“ промена на власта во Украина, соопшти Кремљ. Ова претставува голема промена во целите на Кремљ, иако со месеци е јасно дека Москва не е во состојба да ја собори владата во Украина.
Но, кога започна руската инвазија, Москва јасно стави до знаење дека сака да ја собори украинската влада. Тогаш се стравуваше за животот на украинскиот претседател Володимир Зеленски, кој остана во главниот град на земјата, иако кружеа лажни информации дека побегнал.
Портпаролот на Кремљ, Дмитриј Песков, сега изјави дека неговата земја нема намера да ја менува власта во Украина.