Руските сили ја сменија својата тактика кога станува збор за употреба на ракети против Украина и сега се насочени кон цивилни структури, изјави советникот на Володимир Зеленски, Михајло Подољак. Тој додаде дека Кремљ ги гаѓа цивилите во обид да ја забрза нашироко објавената контраофанзива на Украина, која ќе започне. „Сосема е очигледно дека има извесна промена во тактиката“, ја цитира неговата изјава украинската новинска агенција РБЦ Украина.
– Нема сомнеж, бидејќи тие вршат директни удари врз цивилни станбени згради и области со многу цивилни станови рече Подољак кој нагласи дека Кремљ го користи овој пристап за да постигне неколку цели, од кои едната е да ја поттикне украинската војска да започне контраофанзива порано отколку што би било инаку, оставајќи ја релативно лошо подготвена.
Тој, исто така, тврди дека Русија се надева дека смртните случаи на цивили за возврат ќе ги зголемат повиците на Западот за мировни преговори.