Русија ги отфрли извешатите на американските медиуми за потенцијален руски напад на Украина обвинувајќи го при тоа Вашингтон дека се обидува да ја влоши ситуацијата.
„Вашингтон Пост“ повикувајќи се на разузнавачки документ денеска објави дека американските разузнавачи веруваат дека Русија потенцијално планира офанзива на Украина, можеби на почетокот на следната година.
„САД спроведуваат специјална операција за да ја влоши ситуацијата, а одговорноста ја префрла на Украина“ – изјавила портпаролката на Министерството за надворешни работи, Марија Захарова пренесуваат руските медиуми.