Русија е подготвена да испрати свои експерти за учество во истрагата на уривањето на малезискиот авион „Боинг“ во Украина, и на секаков начин да сорабтоува за организирање и спроведување непристрасна меѓународна истрага, изјави постојаниот претставник на Русија во ОН Виталиј Чуркин на седницата на СБ на ОН.
– На руските воени и цивилни институции веќе им се дадени неопходните упатства. Подготвени сме да испратиме соодветни експерти, рече тој.
Според него, Русија настојува да биде гарантирана „апсолутно непристрасна, независна и отворена меѓународна истрага на уривањето на авионот“.
Според него, неопходно е на местото на падот на авионот да работи група експерти под покровителство на Меѓународната организција за цивилна авијација (ИКАО).