Хуманитарната пауза во сирискиот град Алепо е продолжена за уште еден ден и ќе биде во сила од 8 да 19 часот на 22 октомври, соопшти денеска пред новинарите во Москва началникот на главното оперативно управување на рускиот Генералштаб Сергеј Рудској, пренесува ТАСС.
Тој изрази надеж дека заинтересираните страни ќе извршат притисок врз бунтовниците со цел спасување на мирните жители во источно Алепо кои „фактички се заложници на терористите”.
Првично, запирањето на огнот беше најавено до 19 часот на 20 октомври, но со одлука на рускиот претседател Владимир Путин тоа беше продолжено за едно деноноќие.
Претходно, прес секретарот на Путин – Дмитриј Песков, изјави дека Русија може да ја прекине хуманитарната пауза во Алепо, ако таму ситуацијата се влоши.
Генерал Рудској уште рече дека формации на умерената опозиција и нивните началници ја спречуваат нормализацијата во реонот на Алепо. Тој соопшти дека бунтовниците натрупале 1.200 лица со тенкови и оклопни возила за офанзива против градот, а почнале да добиваат и преносни ракетни комплекси.