Русија го поканила лидерот на Северна Кореја, Ким Џонг-ун да присуствува на мајската церемонија со која се одбележува завршувањето на Втората светска војна, јавуваат јапонските медиуми, додавајќи дека се уште со сигурност не се знае дали Ким ќе ја прифати поканата.
Тоа би била првата посета на Ким на странство, откако стапи на функцијата во 2011 година.
Севернокорејскиот лидер веројатно ќе се сретне со претседателот на Русија Владимир Путин.
Северна Кореја ја поддржа Русија во однос на кризата во Украина, а Кремљ има потреба од зајакнување на соработката со оваа земја во насока на зголемување на извозот на природен гас за Јужна Кореја.