Русија ги разгледува барањата на Ирак за нова испорака на воена опрема за своите вооружени сили, изјави денеска заменик директорот на Федералната служба за воено-техничка соработка, Алексеј Фролкин.
– Барањата на Ирак, кои се во интерес на националните вооружени сили, се во фаза на разгледување, истакна Фролкин за време на изложбата IDEX-2017 во Обединетите Арапски Емирати.
Тој нагласи дека руско-ирачката воено техничка соработка „се развива многу ефикасно“. Минатото лето Русија му испорачала на Ирак нова серија на воени хеликоптери Ми-28НЕ.