Русија денеска го презема претседавањето со Советот за безбедност на ОН

Од:

Денеска Русија го презема претседавањето со Советот за безбедност на Обединетите нации – група земји одговорни за одржување на меѓународниот мир, решавање на спорови и борба против меѓународната агресија.

Кремљ соопшти дека планира да ги оствари сите свои права во Советот, а Русија ќе претседава со нејзините состаноци следниот месец. Последен пат Русија беше на чело на Советот во февруари 2022 година, кога ја нападна Украина.

Прес секретарот на Белата куќа Карин Жан-Пјер ја повика Русија да се однесува професионално. Таа додаде дека администрацијата „очекува Русија да продолжи да го користи своето место во Советот за ширење дезинформации“ и да ги оправда своите постапки во Украина. „За жал, Русија е постојана членка на Советот за безбедност и не постои изводлив меѓународен правен пат за промена на таа реалност“, рече таа.

Советот се состои од 15 члена. САД, Кина, Франција, Русија и Велика Британија се постојани, додека 10 други членки се избираат од Генералното собрание со мандат од две години. Неговото претседателство ротира меѓу членовите по азбучен ред секој месец.

Би можело да ве интересира

Бела куќа: Украинците одлучуваат кој ќе управува со Украина

Русија: Договорот за примирје во Црното Море сè уште не е финализиран

Туск: Европа размислува за зајакнување на санкциите против Русија

Русија: Треба привремена администрација во Украина под покровителство на ОН, САД или европските земји

Зеленски: Руските услови за прекин на огнот во Црното Море се нереални

Русија: Франција и Обединетото Кралство подготвуваат планови за воена интервенција во Украина