Романски обвинители го обвинија потпретседателот на Владата Ливијуа Драгнеа и 74 локални функционери за фалсификување податоци за излезноста на референдум.
Обвинителите денеска предметот го проследија до Врховниот суд. Драгнеа е обвинет за користење свое влијание како претседател на еден од окружните совети да го зголеми бројот на регистрираните гласачи, со цел референдумот одржан во јули 2012 да биде валиден.
Мнозинството од оние кои учествувале на референдумот гласаа за отповикување на претседателот Трајан Басеску, поради пречекорување на овластувањата, но гласањето е прогласено за неважечко, бидејќи гласаа помалку од половина од избирачкото тело.