Романскиот премиер Виктор Понта изјави синоќа дека е подготвен да ја води следната влада, откако анкетите од избирачките места укажаа дека неговата коалиција постигнала победа на парламентарните избори.
– Потврдувам она што го реков за време на изборната кампања, дека сум подготвен да ја водам следната влада, изјави Понта пред приврзаници во својата изборна единица.
Романската владејачка коалиција на лев центар УСЛ на премиерот Понта, врз основа на анкети од избирачките места добила 57 отсто гласови додека опозицијата во која се партии блиски на претседателот на државата Трајан Басеску, добиле само 19 отсто гласови.