Романскиот пратеник Флорин Попеску е осомничен од Националната дирекција за борба со корупцијата, дека побарал од локалните бизнисмени 60-70 тони пилешко месо за купување гласови на локалните избори во 2012 година, пишува весникот „Романија либера“.
Попеску, поранешен претседател на Окружниот совет на Дамбовица, е член на новоформираната десничарска партија „Народно движење“.
Тој беше информиран денеска од Националната дирекција за борба со корупцијата дека против него е покренато кривично обвинение за корупција.