Поранешниот романски пратеник Себастиан Гица, кој исчезна кон средината на декември минатата година, е ставен на списокот на „најбарани“ лица од Европол.
Тој е единствениот човек, кој е баран од страна на европската полиција за корупција, пишува весникот „Бурса“.
Себастиан Гица, поранешниот пратеник на Социјалдемократската партија, бизнисмен и близок соработник на поранешниот романски премиер Виктор Понта не се појави на распит во Националната дирекција за борба со корупција во врска со корупциско дело, а потоа на 5 јануари по него беше издадена национална потерница.
Делото е поврзано со финансирање на предизборната посета на поранешниот британски премиер Тони Блер во Романија во 2012 година, по што Виктор Понта е обвинет дека земал преку посредници 220.000 евра од бизнисменот Себастиан Гица, за да му обезбеди изборна позиција во листата на романската Социјалдемократска партија на парламентарните избори следната година.