Бројот на загинати во неодамнешниот руски ракетен напад врз станбена зграда во Лавов, Украина, се искачи на пет, јавува Ројтерс.
Aгенцијата додава дека меѓу нив има 60-годишна жена и нејзината 32-годишна ќерка.
Службите за итни случаи соопштија дека најмалку 36 се повредени, а седум лица се извлечени од урнатините.
Лавов се наоѓа далеку од бојното поле и е дом на илјадници луѓе кои се преселиле таму од други делови на Украина поради војната.