Најмалку 10 лица загинаа, а 50 се раниети, кога во Ријад, главниот град на Саудиска Арабија, експлодираше камион, кој пренесуваше гориво.
Како што јави ТВ станицата Ал Арабија, експлозијата се случила во источниот дел на Ријад, пренесува АФП.
Сведоците велат дека седум возила биле во пламен и дека околните згради се оштетени.
На местото на експлозијата пристигнале пет противпожарни возила, а се претпоставува дека камионот експлодирал на бензиска станица, наведува Ројтерс.