Изминатата деценија Шпанија постигна најбрз раст на населението во својата историја, благодарение на имиграцијата, покажуваат податоците на шпанскиот Национален статистички институт.
Населението е зголемено за 14,6 проценти на 46,8 милиони луѓе меѓу 2001 и 2011 година, додека бројот на странци е за трипати зголемен на 5,3 милиони луѓе.
Најголеми имигрантски групи се Романците со околу 800.000 и Мароканците со 770.000 лица.
Сепак, голем број од имигрантите во изминатата деценија сега се враќаат во своите татковини поради економската криза во Шпанија.