Рекорден број товарни бродови минале денеска преку Суецкиот канал, соопшти египетската агенција, која управува со Каналот.
Според агенцијата за еден ден преку Каналот минале 68 товарни бродови со вкупна тежина од 4,8 милиони тони, што се случува прв пат во историјата на Суецкиот Канал, кој беше отворен во 1869 година.
Суецкиот Канал е еден од главните египетски извори на странски валути. Во мај оваа година приходите од Каналот достигнале 438,1 милион долари.
Суецкиот Канал ги поврзува Средоземното Море со Црвеното Море. Тој беше национализиран во 1956 година од тогашниот египетски претседател Гамал Абдел Насер.