Разјарен бик убил осумгодишно момче во селото Љуботин во североисточна Словачка, јави дописникот на МИА од Прага.
Според телевизијата „Јој”, момчето било пронајдено заплеткано во јажето со кое бил врзан бикот кој бил тежок триста килограми.
Се претпоставува дека момчето сакало да го врзе бикот на друго место каде имало поголемо пасиште и дека животното го нападнало детето.
Точната причина за смртта ќе биде констатирана по аутопсијата.
Таткото на детето изјавил дека бикот ќе биде усмртен.