Рускиот претседател Владимир Путин во телевизиската емисија „Директна линија“ изјави дека е задоволен од постигнатите резултати во првата година од неговиот нов мандат како шеф на државата.
На прво место како успех Путин го истакна „зголемувањето на животниот стандард на граѓаните“.
– Платите се зголемуваат побрзо од нивото на продуктивноста на трудот, истакна Путин.
Тој го поздрави и подобрувањето на демографската состојба и на наталитетот, а меѓу главните постигнувања во изминатата година, го потенцира и подобрувањето на условите за бизнис во земјата.
Путин застана во одбрана на строгата монетарно-кредитна политика на Централната банка, додавајќи дека фундаменталните основи на економската политика на Москва ќе останат непроменети.