Рускиот претседател Владимир Путин изјави дека развојот на Далечниот Исток и Сибир е дефиниран како национален приоритет за Русија за 21 век, а најави и отворање нови мостови кон Северна Кореја, нагласувајќи дека стабилната макроекономска политика е основен предуслов за развој на руската економија.
„Развојот на Далечниот Исток и Сибир е назначен како национален приоритет за Русија за целиот 21 век. Ова беше дискутирано во обраќањето до Федералното собрание на крајот на 2013 година. После тоа, започна формирањето и ажурирањето на регулаторната рамка, а беа лансирани и бројни инструменти за поддршка на бизнисот, вклучувајќи ги териториите на забрзан развој и режимот на слободното пристаниште Владивосток“, рече Путин за време на пленарната сесија на Источниот економски форум (ВЕФ).
Путин, како што објави агенцијата РИА Новости, изјави и дека е планирана изградба на нови мостови кон Северна Кореја, од кои еден треба да биде отворен следната година.