Рускиот претседател Владимир Путин денес потпиша закон за создавање нов државен регистар на информации за странци кои влегуваат во земјата, наречен „Дигитален профил на странски државјанин“.
Како што објави РИА Новости, овој систем треба да содржи податоци за сите странци и лица без државјанство кои влегуваат, излегуваат или престојуваат во Русија.
Агенцијата наведува дека целта на создавањето на регистарот е собирање поцелосни, поточни и поажурни информации за проценка на миграциската состојба во земјата.
„Со цел да се обезбеди државната безбедност, да се одржи јавниот ред и да се подобри државната миграциска политика на Руската Федерација, му наредувам на Министерството за внатрешни работи на Руската Федерација да обезбеди создавање на државниот информациски систем „Дигитален профил на странски државјанин“ до 30 јуни 2026 година“, се наведува во документот објавен на официјалниот портал на правни акти.
