Путин: Неопходно е да се размисли како да се запре трагедијата во Украина

Од:

Рускиот претседател Владимир Путин денеска пред групата Г-20 водечки светски економии изјави дека е неопходно да се размислува како да се запре трагедијата на војната во Украина и дека Москва никогаш не одбила да учествува во мировните преговори со Киев. Одлуката на Путин да испрати војници во Украина во февруари минатата година доведе до најсмртоносниот конфликт во Европа по Втората светска војна и најголемата конфронтација меѓу Русија и Западот од Студената војна.

Обраќајќи им се на лидерите на земјите-членки на Г-20 за прв пат од почетокот на војната, Путин се обрати на говорите на некои лидери кои рекоа дека се шокирани од руската агресија во Украина.

„Да, се разбира, воените дејствија секогаш се трагедија“, рече Путин на виртуелниот состанок на групата Г-20, што беше свикан од индискиот премиер Нарендра Моди, актуелниот претседавач.

„И секако, треба да размислиме како да ја запреме оваа трагедија. Патем, Русија никогаш не ги одбила мировните преговори со Украина“, додаде Путин.

Висок руски функционер вчера изјави дека Москва не може да коегзистира со актуелната влада во Киев и дека ќе продолжи со, како што ја нарекува, специјална воена операција за демилитаризација на Украина.

Би можело да ве интересира

Путин: Русија не планира да испраќа нуклеарно оружје во вселената

Путин: Во 2023 година Русија ќе ги надмине сите земји од Г7 во однос на економскиот раст

(ВИДЕО) Путин: НАТО подготвува напад на Русија

Катерина Ѓуровски

ВИДЕО: Владимир Кара-Музра – новото лице на отпорот против Путин

Катерина Ѓуровски

ВИДЕО: Кој е Вадим Красиков, атентаторот кој Путин сака да го извлече од Германија

Столтенберг: Нема индикации дека Путин е подготвен за мир