Рускиот претседател Владимир Путин изјави во телефонски разговор со израелскиот премиер Бенјамин Нетанјаху денеска дека е неопходно обединување на напорите во борбата против терористичката група „Исламска држава“, јави ТАСС.
Разговорот се одржал на иницијатива на израелската страна, соопшти прес-службата на Кремљ.
Двајцата лидери детално ја разгледале ситуацијата на Блискиот Исток. Во одговор на загриженоста изразена од Нетанјаху од иранската нуклеарна програма, Путин изразил сомневање дека договорот од Виена предвидува гаранции за исклучително мирната насоченост на иранската нуклеарна програма.
Рускиот лидер изразил уверување дека успешната реализација на договорот ќе го зацврсти режимот на неширењето на нуклеарното оружје и ќе изврши позитивно влијание врз безбедноста и стабилноста на целиот Блиски Исток.