Путин го потпиша указот за признавање на независноста на сепаратистичките региони во Украина

Од:

Рускиот претседател Владимир Путин во телевизиско обраќање до нацијата ја образложи одлуката според која има намера да го признае суверентитетот на т.н. Доњецка Народна Република и т.н.Луганска Народна Република во Украина, кои не се признаени од ниту една членка на ОН.

dobivaj vesti na viber

Во долгото обраќање, во кое рече дека Украина нема историја за да биде вистинска нација и ги обвини – без докази – украинските власти за корупција, Путин потврди дека ќе ја признае независноста на двата сепаратистички региони.

На крајот од говорот, тој рече дека Русија ги признава проруските сепаратистички региони како независни држави, додавајќи дека тоа требало да се направи порано. На крајот, Путин пред камерите потпиша одлука за признавање на Доњецк и Луганск како независни држави.

– Сигурен сум дека ќе ја имам поддршката од рускиот народ за оваа одлука. Ви благодарам, заклучи Путин.

Во 40-минутното обраќање, Путин зборуваше за историјата, при што ја опиша Украина како држава создадена од Русија под власта на комунистичкиот лидер Владимир Ленин.

– Модерна Украина е создадена од Русија, болшевичка Русија. Денешна Украина може да го носи името на Владимир Илич Ленин, тој ја создаде, рече Путин во ТВ-обраќањето. Тој го критикуваше поранешниот комунистички лидер Ленин, нарекувајќи го „автор и архитект“ на Украина. Путин вели дека со тоа ја „обесправил“ Русија.

Тој истакна статуите на Ленин биле уништени во Украина како знак на „декомунизација“, мислејќи на рушењето на комунистичките споменици од независноста. – Подготвени сме да и покажеме на Украина што е вистинска декомунизација, рече тој.

– Украина, продолжи Путин, никогаш немала „вистинска државност“, туку повеќе копираше модели за да создаде национална држава. Националистите и радикалите кои ја доведоа земјата во ќорсокак, сега ги влечат потезите под контрола на Западот, тврди тој. Корупцијата и борбите за моќ меѓу олигарсите го спречуваа населението на поранешната советска република да си го подобри животот, оцени рускиот претседател.

– НАТО и САД ја претворија Украина во воена зона, рече Путин. – Пристапувањето на Украина во НАТО би било директна закана за безбедноста на Русија. Во последните месеци во Украина беа испратени големи количини западно оружје, тврди тој. Доколку Украина се здобие со оружје за масовно уништување, глобалната ситуација драстично ќе се промени, не можеме да го игнорираме тоа, рече Путин, додавајќи дека „Украина планира да се стекне со нуклеарно оружје“.

Извор: МИА

Би можело да ве интересира

Германија подготвува испорака на стотици генератори во Украина

А1он

Украинската амбасада во Загреб доби крвав пакет со животински очи

А1он

Кремљ: Путин му рекол на Шолц дека пристапот на Западот кон Украина е „деструктивен“

А1он

Бугарија ќе и обезбеди на Украина лесно оружје и муниција

А1он

САД сакаат да ги префрлат системите за ПВО од Блискиот Исток во Украина

А1он

Кремљ: Путин е отворен за разговори за можно решение во Украина

А1он