Рускиот претседател Владимир Путин му предложи на заменик-извршниот директор на Газпромбанк да соработува со американскиот мултимилијардер и близок сојузник на Трамп, Илон Маск.
Дмитриј Зауерс му кажа на рускиот претседател за руските батерии што се користат во неврочипови. „Тоа е нашиот одговор на Илон Маск“, изјави банкарот Зауерс.
„Здружете ги силите со Маск. Кога ќе заврши со реформите на административните агенции во САД, ќе се врати во науката. Треба да работите со него. Ние веќе преговараме за заедничка работа во вселената, можеме да соработуваме и во оваа сфера“, одговори рускиот претседател Владимир Путин.
Газпромбанк е една од најголемите банки во Русија, основана во 1990 година. Таа е поврзана со енергетскиот гигант Газпром, најголемиот руски производител на природен гас. Иако првично беше основана како банка за финансиските потреби на Газпром, денес работи како универзална банка која обезбедува широк спектар на услуги – од корпоративно и инвестициско банкарство до банкарски услуги на мало.
Банката игра клучна улога во финансирањето на енергетскиот сектор на Русија и често е во фокусот на меѓународните санкции, особено по руските геополитички конфликти. И покрај санкциите, Газпромбанк останува една од најважните финансиски институции во Русија.