Путин до Ердоган: Турција е заштитена од гасната криза во Европа поради „Турски тек“

Од:

Рускиот претседател Владимир Путин денеска во Сочи го прими својот турски колега Реџеп Тајип Ердоган кому му порача дека Турција е заштитена од гасната криза што ја зафати Европа благодарение на гасоводот „Турски тек“, изграден од Русија.

На почетокот на разговорите со Ердоган во руското црноморско одморалиште, Путин му се заблагодари на претседателот на Турција за поддршката на гасоводот што доаѓа од Турција во Русија, под Црното Море, пренесуваат британските медиуми.

-И сега, кога гледаме доста тешки, турбулентни процеси на европскиот пазар за гас, Турција се чувствува апсолутно сигурна и стабилна, рече Путин, мислејќи на „Турски тек“.

Копнените делови на гасоводот се протегаат натаму кон јужна Европа и се дел од плановите на Москва да ја заобиколи Украина, при извозот на гас на европските пазари.

Европските референтни цени за гасот во холандскиот центар ТТФ од јануари се повеќе од четирикратно зголемени поради ниските залихи во капацитетите за складирање гас, високите цени на јаглеродот во Европската унија, ниските испораки на танкери со течен природен гас и помалите испораки од Русија.

Средбата меѓу Путин и Ердоган траеше два часа и 45 минути.

„Убеден сум дека е корисно секојдневно да продолжиме да ги зајакнуваме турско-руските односи, рече Ердоган.

Лидерите на двете земји разговараа за бројни важни билатерални и регионални теми, вклучувајќи ги и актуелните настани во Сирија.

Би можело да ве интересира

Путин предупредува дека Русија е подготвена да возврати на заканите, доколку мора

А1он

Бајден најави разговори со Путин и Зеленски за смирување на тензиите меѓу двете земји

Ана Ололовска

Вучиќ по средбата со Путин: Добивме неверојатна цена за гасот

А1он

Раиси и Путин разговараа за соработката меѓу Иран и Русија

А1он

Путин: Русија нема никаква врска со мигрантската криза на границата меѓу Полска и Белорусија

Ана Ололовска

ВИДЕО: Тензично на полската граница, мигрантите сечат дрвја за да ја пробијат оградата, реагираше и Путин

А1он