Рускиот претседател Владимир Путин денеска изјави дека ако Украина сака преговарачки процес, тогаш е неопходно да се укине указот за забрана на преговори со Русија, додавајќи дека не се потребни театарски гестови.
„Доколку украинската страна сака вистински преговарачки процес, тогаш тоа треба да се случи, не со некои театарски гестови, туку прво треба да се укине указот на претседателот на Украина за забрана на преговорите“, рече Путин за време на прес-конференцијата по неговата посета на Кина.
Коментирајќи ја претходната изјава на американскиот претседател Џозеф Бајден дека Русија го загубила конфликтот во Украина, тој изјави дека тогаш Америка треба да го повлече оружјето.
Тој оцени дека САД се повеќе се вклучени во конфликтот во Украина.
„Тие се повеќе лично се вклучуваат во овој конфликт, тоа е очигледно. И никој да не каже дека немаат врска со ова. Веруваме дека имаат“, рече Путин.