Повеќе лица се повредени во пукотница во студентскиот дом на Државниот универзитет во Оклахома (OSU) денес, соопшти локалната полиција.
Во соопштението објавено од „Фокс њуз“ се вели дека полицајците одговориле на пријава за пукотница во студентскиот дом „Карекер Ист“ околу 3:40 часот по локално време, додека локалните медиуми објавија дека три лица се хоспитализирани по пукотницата.
Шефот на полицијата на Државниот универзитет во Оклахома, Мајкл Бекнер, изјави дека меѓу повредените е најмалку еден студент. Според полициското соопштение, сите ранети се лекуваат во болниците во Оклахома Сити и Талса.
Полицијата соопшти дека првичните извештаи сугерираат дека пукотницата се случила по голема, приватна забава на локација надвор од кампусот, кога присутните го напуштиле настанот и се вратиле во студентскиот дом, каде што се случил инцидентот.
