Пред судската зграда во Билефелд денеска се дојде до оружен инцидент во кој се повредени неколку лица, пренесува Билд.
Во моментот на пукањето, во судот му се судеше на Хусеин Акурт (38), осомничен за убиството на германскиот боксер Бесар Нимани. Акурт беше уапсен во средината на јули во Брисел, а вториот осомничен за убиството се уште е во бегство.
Според очевидци, неколку повредени лица лежеле на улица, а едно лице е реанимирано. Полицијата и спасувачките служби се на терен.
Не се знае кој го испукал истрелот, ниту дали напаѓачот е фатен.
За потсетување, како што веќе пишувавме, полицијата во Германија објави дека е во состојба на готовност пред традиционалните карневали оваа и следната недела, откако социјалните мрежи поврзани со терористите на Исламската држава (ИД) повикаа на напади насочени кон славениците во Келн и Нирнберг.