Мексиканската Влада прогласи тревога на територијата на целата земја поради алармантното ширење на вирусот на птичјиот грип, од кој заболеа околу 1,7 милиони птици.
Повеќе од половина заразени птици угинаа или се убиени, соопшти мексиканското Министерство за земјоделство, додавајќи дека ширењето на епидемијата го потврдила Светската организација на ОН за храна (ФАО).
Вонредната состојба е воведена поради ширење на вирусот на птичји грип од типот АH7N3.
Мерките предвидени за време на вонредната состојба подразбираат вакцинација, карантин и уништување на заразените производи.