Унгарците во голем број излегоа на денешните парламентарни избори на кои конзервативниот премиер Виктор Орбан се надева дека ќе освои четврти последовен мандат. Според првите проекции би требало да успее.
Ендре Хан, директор на центар истражување на јавното мислење, во телевизиско гостување по затворањето на избирачките места ги најави можните изборни резултати. Според истражувањето на „Медијан“, Фидес на Орбан може да се надева на 121 место во парламентот, додека опозицијата би освоила 77 места.
Тоа би значело прилично убедлива победа за Орбан, но сепак не двотретинско мнозинство.
Во Унгарија нема прелиминарни излезни анкети.
Соочени со Орбан, шест опозициски партии се договорија коалиција за соборување на 58-годишниот лидер.
Избирачките места беа затворени во 19 часот по големи гужви – излезноста беше 67,8 отсто половина час пред затворањето, бројка многу блиска до 2018 година.
Повеќето анкети покажуваа предност на владејачката Фидес, но битката никогаш не била толку тесна и аналитичарите остануваат претпазливи.