Околу 30.000 лица протестираа денес во центарот на Копенхаген поради најавените реформи во образованието, кои доведоа до спор помеѓу наставниците и локалните власти, поради кој повеќе од 800.000 ученици ширум Данска веќе 10 дена немаат часови.
Општинските власти од 1-ви април ги затворија училиштата за околу 60.000 наставници, барајќи од нив да го прифатат новиот договор за работа, со кој се пропишува должината да работниот ден.
Овој договор е дел од реформите во образованието, на кој во моментов работи владата.
Кон крајот на март, преговорите помеѓу синдикатот на наставниците и локланите власти, кои управуваат со училиштата завршија без договор.
Наставниците тврдат дека новиот систем е неразумен и дека ќе влијае врз стандардите во образованието.
Протестите во Копенхаген поради најаваните реформи во образованието траат веќе неколку дена, а денешните демонстрации беа најмасовни во последните неколку години.
Елена Георгиевска