Во предградието на Шведска, шести ден по ред се случуваат нереди, а локалните жители сметаат дека тоа е поради дискриминација и високата стапка на невработеност.
Неколку автомобили синоќа беа запалени, а полицијата соопшти дека избил пожар и во едно училиште.
Портпаролот на полицијата Кјел Линдгрен изјави дека ситуацијата започнала да се смирува, по доаѓањето на полициско засилување од другите градови.
Претходните денови мета на демонстрантите беа културни центри, училишта, дом за стари лица и слично.
Нередите започнаа откако полицијата уби еден 69-годишен човек во предградието на Стокхолм при апсење. Полицијата тврди дека човекот ги нападнал со нож, а демонстрантите пак велат дека тоа се случи поради прекумерна употреба на сила.
На социјалните мрежи е наведено дека дури 24 проценти од младите имигранти во предградието каде што дојде до немири, се невработени.
Елена Георгиевска