Политичкиот совет одлучи на генералниот секретар на НАТО Андерс Фог Расмусен да му го продолжи мандатот за една година, беше објавено денеска од седиштето на Северноатлантската алијанса.
Во соопштението на НАТО се наведува дека Северноатлантскиот совет, главното политичко тело на Алијансата, одлучи Расмусен да остане на функцијата до 31 Јули 2014. иако неговиот четиригодишен мандат истекува следната година.
Во соопштението не се прецизира причината за таквата одлука, но претходно имаше шпекулации во медиумите дека Расмусен побарал продолжување на мандатот за да го заврши планираното повлекување на НАТО војниците од Авганистан.
Расмусен, кој досега избегнуваше да ги потврди или негира наводите, подоцна во попладневните часови треба да и се обрати на јавноста.