Неколку стотина приврзаници на соборениот од власт египетски претседател Мохамед Морси се собраа денеска во близина на зградата на Владата во Каиро, протестирајќи поради преодната влада, чии членови вчера положија заклетва.
Демонстрантите сметаат дека новото раководство е нелегитимно и бараат Морси повторно да се врати на функцијата.
– Ние имаме влада и легитимен претседател. Се што прават сега овие заговорници е нелегално, изјави Самир Набил, официјален претставник на Партијата на слободата и правдата, која е политичко крило на движењето „Муслиманско братство“.
Без разлика на повикот на премиерот Хазем ел-Беблави, исламистите не влегоа во владата, која брои 34 члена.