Привремениот претседател на Египет со указ го распушти Консултантивниот совет (Шура), објави државната телевизија.
Консултантивниот совет ја извршуваше улогата на законодавен орган (Парламент) откако со судска одлука пред една година беше распуштен Долниот дом (Народното Собрание) заради неправилности во време на парламентарните избори.
Државната телевизија во извештајот додава дека е сменет шефот на разузнавањето Мохамед Рафат Шехата, назначен од поранешниот претседател Мохамед Морси. Шехата ќе биде советник на привремениот претседател Адли Мансур.