Белорускиот опозициски политичар Микола Статкевич бил уапсен додека се подготвувал да отпатува во Украина каде требало да се сретне со претставници на Европскиот парламент, соопшти неговата сопруга Марина Адамович.
Апсењето на Статевич доаѓа по два протести организирани од негова страна – против претседателот Александар Лукашенко и во спомен на жртвите на режимот на Сталин.
Статкевич беше кандидат на претседателските избори во 2010 година, а следната година беше уапсен и пет години помина во затвор.
Во текот на годинава, Статкевич беше притворан вкупно шестпати, по неколку дена.