Евентуалното распоредување на западен воен контингент во Украина нема никаква врска со обезбедувањето безбедност и би претставувало нова интервенција во оваа земја, изјави поранешниот пратеник на Врховната рада и руски политичар Олег Царев во коментар за РИА Новости.
– Целта на украинскиот претседател Володимир Зеленски и Европа е продолжување на воениот конфликт. А распоредувањето на воени контингенти на НАТО на украинска територија е пат кон војна. Тие не беа во можност да протуркаат една опција за продолжување на конфликтот – прекин на огнот како услов за почеток на мировни преговори – и затоа бараат нов модел – рече Царев.
Тој истакна дека европските лидери и Киев сега се обидуваат да внесат трупи на Алијансата на украинска територија, што, според него, би било повторување на сценарио веќе видено во историјата. – Украина веќе имала слични искуства и заврши на ист начин – рече тој.
Царев нагласи дека и Зеленски и западните претставници конкретно ги поставуваат темелите за таканаречените „безбедносни гаранции“ кои, како што оцени, ќе бидат неприфатливи за Русија.
