Говорејќи во контекст на можниот мировен договор со Украина, рускиот министер за надворешни работи Сергеј Лавров во интервју изјави дека Москва ќе избегне компромиси кои ќе ги загрозат животите на луѓето, пренесоа руските новински агенции.
Лавров истакна дека Русија нема да прифати присуство на силите на НАТО во Украина под никакви околности, дури и како дел од трајно мировно решение.
Шефот на руската дипломатија рече и дека Европа и Обединетото Кралство сакаат конфликтот околу Украина да продолжи и дека според него „сакаат да ги подигнат влоговите и подготвуваат нешто што ќе го натера Вашингтон да преземе агресивна акција против Русија“.